mércores, 22 de marzo de 2017

DÍA DA POESÍA CON GLORIA FUERTES






O 21 de marzo celebramos o inicio da primavera e tamén o día mundial da poesía. En Bibliorrodís collimos unha mostra de libros poéticos e a colocamos nos nosos estantes da entrada da escola. Entre estes libros destaca a producción dunha muller extraordinaria, que lembramos este ano especialmente no centenario do seu nacemento: Gloria Fuertes.
Como dí a nosa compañeira Mariceli, Gloria ten un poema para calquera tema do que queras falar ou traballar. Gloria Fuertes, modelo de muller creadora e traballadora.
Vos apuntamos enlaces ao blog de Mariceli si queredes, entre outras cousas, escoitar como os nenos e as nenas recitan un dos seus poemas, e tamén a páxina da fundación Gloria Fuertes para saber mais sobre ela.



 

  "...Un niño con un libro de poesía en las manos nunca tendrá de mayor un arma entre ellas…"
Gloria Fuertes

xoves, 9 de marzo de 2017

MULLERES TRABALLADORAS, MULLERES CREADORAS

Hoxe conmemoramos o día da muller traballadora. Este ano seguindo o lema das bibliotecas escolares de Galicia “Bibliotecas escolares, territorio das artes”  decidimos facer unha pequena selección de mulleres galegas traballadoras e creadoras. Escollemos dúas pintoras (Maruja Mallo e Julia Minguillón), dúas músicas (Cristina Pato e Uxía Senlle) e dúas escritoras (Rosalía de Castro e Fina Casalderrey)

Maruja Mallo foi unha pintora inscrita na xeración do 27, relacionada con Dalí, Lorca, Alberti, etc, que pasou polo exilio e foi revalorizada coa democracia.
Julia Minguillón  foi membro da Real Academia Galega e ten no seu haber a medalla de Belas Artes nacional cun cadro sobre unha escola galega “A escola de Doloriñas”.
Fina Casalderrey é unha coñecida escritora de libros infantís e xuvenís, algúns dos cales atesouramos na nosa biblioteca.
Cristina Pato destaca como gaiteira a nivel internacional. O grupo “Silk Road Ensemble” ao que pertence ven de gañar un premio “grammy”.
Uxía Senlle é unha das mellores voces de Galicia e tamén participou na creación de discos que empregamos moito na escola.


Na entrada da Escola temos unha exposición cos materiais da biblioteca relacionados e os traballos que os nenos e as nenas están a realizar nas aulas. Non deixedes de botarlle un ollo os blogs das aulas para ver os procesos.







martes, 28 de febreiro de 2017

ENTROIDO 2017

Velaquí un recordatorio do día especial de Entroido na escola. As celebracións empezámolas antes. Entre todos adornamos a entrada da escola pintando, recortando e pegando materiais nos vidros e paredes, seleccionando e movendo libros, mobles e disfraces.




O día da festa, venres, xuntámonos todos na aula de usos múltiples onde fixemos as fotos de grupo e un pequeno desfile. Logo nos dividimos en 4 grupos identificados por colgantes de cores. Os grupos (co alumnado das distintas idades mesturado) pasaron por obradoiros de xogos e de confección de antefaces. Despois xuntámonos de novo para degustar unhas ricas orellas de Entroido e o resto da merenda. Ao final xogamos libremente no patio.

24 DE FEBREIRO DÍA DE ROSALÍA

O 24 de febreiro conmemórase o día de Rosalía de Castro recordando o día do seu nacemento. Na escola Mariceli e os nenos e as nenas da aula de 5 anos fixeron un gran traballo homenaxeándoa. Non volo perdades:



domingo, 19 de febreiro de 2017

XORNADA DE PORTAS ABERTAS

Divulgamos o cartel da Xornada de Portas Abertas da Escola de Vilarrodís- Oseiro. O vindeiro martes 21 de febreiro as 16:00 horas, abriremos a escola sobre todo a aquelas familias que estean pensando nun centro escolar para matricular por primeira vez aos seus fillos e fillas e desexen coñecer o noso funcionamento e instalacións. Esperámosvos!

venres, 10 de febreiro de 2017

UN GRILO VISITA A PATAQUIÑO

O mércores descubrimos na entrada de Bibliorrodís un exemplar bastante notable de grilo. Todas as titoras pasaron cos seus alumnos e alumnas para observalo con calma. O grupo de 3 anos, ademais, coñeceu un chisco máis ao noso Pataquiño: gardián, conselleiro e axudante da biblioteca. Pataquiño sacou rapidamente uns poucos libros de grilos. Ao final os nenos e as nenas da aula de 5-6 anos devolveron ao grilo ao campo.




martes, 7 de febreiro de 2017

CANDO A MÚSICA É ARTE

O pasado mércores asistimos a un concerto didáctico do grupo Arcos Iris no Palacio da Ópera de A Coruña . Os músicos que compoñen o grupo pertencen á Orquesta Sinfónica de Galicia. O espectáculo emprega a música para falar das emocións: o enfado, o medo, a alegría, a tristeza, etc  a través de grandes obras de Vivaldi, Mussorgsky, Offenbach, Brahms, Coldplay…  dun xeito interactivo invitando aos nenos e as nenas a participar con xestos, sons, aplausos. Nunha das pezas convidaron a mestra Beti a saír cunha nena a axudar no escenario. 
Encantounos! É un privilexio asistir a un concerto desta categoría e volo recomendamos vivamente. Por si queredes velo en familia por un módico prezo haberá unha repetición aberta o vindeiro sábado 18 de marzo.

http://www.sinfonicadegalicia.com/es/concierto/109/el-efecto-arcos-iris/
https://sonfuturo.wordpress.com/2017/02/02/arcos-iris/


Click to play this Smilebox slideshow
Create your own slideshow - Powered by Smilebox
Make a free slideshow design